ESH - Latin-literumo de japanaj vortoj

Latin-litermumo de japanaj vortoj

Principo

Bedaŭrinde, latin-literumado de japana lingvo estas ne strikte unuigita.
Ni en ĉi tiu TTT-ejo 'principe' sekvas la internacian normon ISO 3602 ("Documentation -- Romanization of Japanese (kana script)" / "Dokumento -- Latinigo de Japana Lingvo (kana literoj). ).

Sed en praktikaj okazoj oni ofte vidas alispecajn literumaĵojn (ĉefe anglismajn).
Tial ni ĉi tie uzas ankaŭ aliajn literumojn de tempo al tempo por praktikeco, precipe kiam oni povas vidi ĝuste tiujn literumojn en efektivaj indikiloj sur stratoj, en staci-domoj ktp.

Tial eblas aperi pluraj malsamaj literumoj en unu paĝo. Do, atenton!

Diferenco de Literumaĵoj laŭ ISO3602 kaj laŭ Aliaj

ISO3602	aliaj	proksima esperanta prononco
â	a / ā / aa	(longa) a
ê	e / ē / ee	(longa) e
î	i / ī / ii	(longa) i
ô	o / oh / ō / oo	(longa) o
û	u / ū / uu	(longa) u
si	shi	ŝi/si
zi	ji	ĵi/ĝi
ti	chi	ĉi
tu	tsu	cu
hu	fu	fu
sya, syu, syo	sha, shu, sho	ŝa, ŝu, ŝo
zya, zyu, zyo	ja, ju, jo	ĵa / ĝa, ĵu / ĝu, ĵo / ĝo
tya, tyu, tyo	cha, chu, cho	ĉa, ĉu, ĉo
n (antaŭ b, p aŭ m)	m (antaŭ b, p aŭ m)	m

Japanoj en latin-literumado emas ne montri distingon inter longa kaj mallonga vokaloj de japana lingvo, ĉar la angla lingvo ne havas distingon inter longa kaj mallonga vokalo.
Sed tio estas transliterumo de japana lingvo al angla lingvo, jam ne estas japana lingvo per latinaj literoj.
Japanoj klare distingas la longan kaj mallongan vokalojn. Kaj ties ne-distingo kaŭzas ambiguan aŭ eĉ misgvidan komprenon.
Tial, ni en ĉi tiu TTT-ejo ne sekvas tian transliterumon, sed rezervas japanecon ankaŭ en latin-literumado.

Hejmo